15.11.2006   

MT

Il-Ġurnal Uffiċjali ta’ l-Unjoni Ewropea

1

(1)

Il-Kunsill Ewropew ta' Lisbona tat-23 u l-24 ta' Marzu 2000 inkorpora l-promozzjoni ta' l-impjiegi u ta' l-inklużjoni soċjali bħala parti integranti ta' l-istrateġija globali ta' l-Unjoni sabiex tilħaq l-għan strateġiku tagħha, għad-deċennju li jmiss, li ssir l-aktar ekonomija, ibbażata fuq il-konoxxenza, kompetittiva u dinamika fid-dinja, b'kapaċità għal tkabbir ekonomiku sostenibbli, b'titjib kwantitattiv u kwalitattiv fl-impjiegi u b'koeżjoni soċjali akbar. Dan stabbilixxa objettivi u miri ambizzjużi għall-Unjoni sabiex toħloq mill-ġdid il-kondizzjonijiet għal impjiegi għal kulħadd, ittejjeb il-kwalità u l-produttività fuq il-post tax-xogħol, u tippromwovi l-koeżjoni soċjali kif ukoll suq tax-xogħol inklużiv. Barra minn hekk, sar fokus mill-ġdid fuq l-istrateġija mill-Kunsill Ewropew ta' Brussel tat-22 u t-23 ta' Marzu 2005.

(2)

Konformi ma' l-intenzjoni espressa tal-Kummissjoni li ssaħħaħ u tirrazzjonalizza l-istrumenti ta' finanzjament ta l-Komunità, din id-Deċiżjoni għandha tistabbilixxi Programm uniku u razzjonalizzat li jipprovdi għat-tkomplija u l-iżvilupp ta' l-attivitajiet li kienu ngħataw bidu abbażi tad-Deċiżjoni tal-Kunsill 2000/750/KE tas-27 ta' Novembru 2000 li tistabbilixxi programm ta' azzjoni Komunitarja sabiex tikkumbatti d-diskriminazzjoni (2001 sa 2006) (4), tad-Deċiżjoni tal-Kunsill 2001/51/KE ta' l-20 ta' Diċembru 2000 li tistabbilixxi Programm li għandu x'jaqsam ma' l-istrateġija ta' qafas tal-Komunità dwar l-ugwaljanza bejn is-sessi (2001 sa 2005) (5), kif ukoll tad-Deċiżjonijiet tal-Parlament Ewropew u tal-Kunsill Nru 50/2002/KE (6) tas-7 ta' Diċembru 2001 li tistabbilixxi programm ta' azzjoni Komunitarja sabiex jinkoraġġixxi l-koperazzjoni bejn l-Istati Membri sabiex jikkumbattu l-esklużjoni soċjali, Nru 1145/2002/KE (7) ta' l-10 ta' Ġunju 2002 dwar il-miżuri Komunitarji ta' inċentivazzjoni fil-qasam tax-xogħol u Nru 848/2004/KE (8) tad-29 ta' April 2004 li tistabbilixxi programm ta' azzjoni tal-Komunità sabiex jippromwovi organizzazzjonijiet attivi fil-livell Ewropew fil-qasam ta' l-ugwaljanza bejn l-irġiel u n-nisa, kif ukoll ta' dawk l-attivitajiet imwettqa fil-livell Komunitarju fir-rigward tal-kondizzjonijiet tax-xogħol.

(3)

Il-Kunsill Ewropew Straordinarju dwar l-Impjiegi ta' Lussemburgu fl-20 u l-21 ta' Novembru 1997 ta bidu għall-Istrateġija Ewropea dwar l-Impjiegi sabiex jiġu kkoordinati l-linji politiċi ta' l-Istati Membri dwar l-impjiegi abbażi ta' linji gwida u rakkomandazzjonijiet dwar l-impjiegi li dwarhom kien hemm qbil komuni. L-Istrateġija Ewropea dwar l-Impjiegi issa hija l-aktar strument importanti fil-livell Ewropew fl-implementazzjoni ta' l-objettivi ta' l-Istrateġija ta' Lisbona rigward l-impjiegi u s-suq tax-xogħol.

(4)

Il-Kunsill Ewropew ta' Lisbona kkonkluda li n-numru ta' nies li fl-Unjoni jgħixu taħt il-livell li jiddelimita l-faqar u f'esklużjoni soċjali mhuwiex aċċettabbli u għalhekk ġie meqjus meħtieġ li jittieħdu l-miżuri sabiex isir progress deċiżiv fil-qerda tal-faqar billi jitwaqqfu objettivi adegwati. Tali objettivi kienu miftiehma mill-Kunsill Ewropew ta' Nizza fis-7, it-8 u d-9 ta' Diċembru 2000. Dan qabel ukoll li l-linji politiċi dwar il-ġlieda kontra l-esklużjoni soċjali għandhom ikunu bbażati fuq il-metodu miftuħ ta' koordinazzjoni, li jgħaqqad il-pjanijiet ta' azzjoni nazzjonali u inizzjattiva tal-Kummissjoni għall-koperazzjoni.

(5)

Il-bidla demografika tirrappreżenta sfida maġġuri għall-perjodu twil għall-kapaċità tas-sistemi ta' protezzjoni soċjali li jipprovdu pensjonijiet u saħħa u kura tas-saħħa għal perjodu twil li jkunu aċċessibbli għal kulħadd u li jistgħu jiġu ffinanzjati għall-perjodu fit-tul. Huwa importanti li jiġu promossi linji politiċi li jistgħu jiksbu kemm protezzjoni soċjali adegwata kif ukoll is-sostenibbiltà ta' sistemi ta' protezzjoni soċjali. Il-Kunsill Ewropew ta' Lisbona ddeċieda li l-koperazzjoni f'dan il-qasam għandha tkun ibbażata fuq il-metodu miftuħ ta' koordinazzjoni.

(6)

F'dan il-kuntest għandha tinġibed attenzjoni fuq is-sitwazzjoni speċifika tal-migranti kif ukoll fuq l-importanza li tittieħed azzjoni sabiex ix-xogħol mhux dikjarat jiġi trasformat f'impjieg regolari.

(7)

L-assigurazzjoni ta' standards minimi u t-titjib kostanti tal-kondizzjonijiet tax-xogħol fl-Unjoni huwa fattur ċentrali tal-politika soċjali Ewropea u jikkorrispondi għal objettiv globali importanti ta' l-Unjoni Ewropea. Il-Komunità għandha rwol importanti sabiex tappoġġa u tikkomplementa l-attivitajiet ta' l-Istati Membri fl-oqsma tas-saħħa u s-sigurtà tal-ħaddiema, il-kondizzjonijiet tax-xogħol, inklużi l-ħtieġa ta' rikonċiljazzjoni tax-xogħol mal-ħajja tal-familja, il-protezzjoni tal-ħaddiema fejn il-kuntratt tax-xogħol tagħhom jiġi terminat, l-informazzjoni, il-konsultazzjoni u l-parteċipazzjoni tal-ħaddiema, u r-rappreżentanza u d-difiża kollettiva ta' l-interessi tal-ħaddiema u ta' min iħaddem.

(8)

Il-prinċipju ta' non-diskriminazzjoni huwa prinċipju fundamentali ta' l-Unjoni Ewropea. L-Artikolu 13 tat-Trattat jipprovdi għal azzjoni sabiex tiġi miġġielda d-diskriminazzjoni abbażi tas-sess, ta' l-oriġini razzjali jew etnika, tar-reliġjon jew twemmin, ta' diżabbiltà, ta' l-età jew ta' l-orjentazzjoni sesswali. In-non diskriminazzjoni hija affermata wkoll fl-Artikolu 21 tal-Karta tad-Drittijiet Fundamentali ta' l-Unjoni Ewropea. Il-fatturi speċifiċi tad-diversi forom ta' diskriminazzjoni għandhom jiġu akkomodati, u flimkien ma' dawn għandha tiġi żviluppata azzjoni xierqa għall-prevenzjoni u l-ġlieda kontra d-diskriminazzjoni li tkun ibbażata fuq xi motiv jew iżjed. Għalhekk, meta jiġu kkunsidrati l-aċċessibbiltà u r-riżultati tal-Programm, il-ħtiġijiet partikolari ta' persuni b'diżabbiltà għandhom jitqiesu f'termini li jiġi żgurat l-aċċess sħiħ u ugwali tagħhom għall-attivitajiet finanzjati b'dan il-Programm u r-riżultati u l-valutazzjoni ta' dawk l-attivitajiet, inkluż il-kumpens ta' spejjeż addizzjonali li jidħlu fihom persuni b'diżabbiltà minħabba d-diżabbiltà tagħhom. L-esperjenza miksuba tul il-ħafna snin li ġew miġġielda ċerti forom ta' diskriminazzjoni, inkluża d-diskriminazzjoni abbażi tas-sess, tista' tkun utli fil-ġlieda kontra forom ta' diskriminazzjoni oħrajn.

(9)

Abbażi ta' l-Artikolu 13 tat-Trattat, il-Kunsill adotta d-direttivi li ġejjin: id-Direttiva 2000/43/KE (9) tad-29 ta' Ġunju 2000 li timplimenta l-prinċipju tat-trattament ugwali bejn il-persuni irrispettivament mill-oriġini tar-razza jew ta' l-etniċità li tipprojbixxi d-diskriminazzjoni bbażata fuq l-oriġini razzjali jew etnika fi, inter alia, l-impjiegi, it-taħriġ vokazzjonali, l-edukazzjoni, il-prodotti u s-servizzi u fil-protezzjoni soċjali, id-Direttiva 2000/78/KE (10) tas-27 ta' Novembru 2000 li tistabbilixxi qafas ġenerali għall-ugwaljanza fit-trattament fl-impjieg u fix-xogħol li tipprojbixxi d-diskriminazzjoni fl-impjiegi u fl-okkupazzjoni fuq bażi ta' reliġjon jew twemmin, diżabbiltà, età u orjentazzjoni sesswali, u d-Direttiva 2004/113/KE (11) tat-13 ta' Diċembru 2004 li timplementa l-prinċipju tat-trattament ugwali bejn l-irġiel u n-nisa fl-aċċess għal u l-fornitura ta' prodotti u servizzi.

(10)

Skond l-Artikoli 2 u 3 tat-Trattat, it-trattament ugwali bejn l-irġiel u n-nisa huwa prinċipju fundamentali tal-liġi Komunitarja. Id-Direttivi u atti oħra adottati abbażi ta' dan il-prinċipju għandhom sehem ewlieni fit-titjib tas-sitwazzjoni tan-nisa fl-Unjoni. L-esperjenza ta' azzjoni fil-livell Komunitarju wriet li l-promozzjoni ta' l-ugwaljanza bejn is-sessi fil-linji politiċi tal-Komunità u l-ġlieda kontra d-diskriminazzjoni fil-prattika jeħtieġu kombinazzjoni ta' strumenti, li jinkludi leġislazzjoni, strumenti ta' finanzjament u integrazzjoni mfassla b'mod li jsaħħu lil xulxin. Skond il-prinċipju ta' l-ugwaljanza bejn l-irġiel u n-nisa, l-integrazzjoni tas-sessi għandha tiġi promossa f'kull taqsima u attività tal-Programm.

(11)

Ħafna organizzazzjonijiet non-governattivi (NGOs) attivi f'livelli varji jistgħu jagħtu kontribut importanti fil-livell Ewropew permezz ta' networks prinċipali li jassistu fil-bdil ta' l-orjentazzjonijiet tal-politika relatati ma' l-objettivi ġenerali tal-Programm.

(12)

Ladarba l-objettivi ta' din id-Deċiżjoni ma jistgħux jintlaħqu b'mod suffiċjenti fil-livell ta' l-Istati Membri minħabba l-ħtieġa ta' skambju ta' informazzjoni fil-livell Ewropew u tad-disseminazzjoni ta' prattika tajba fil-Komunità kollha u billi għalhekk dawn l-objettivi jistgħu, minħabba d-dimensjoni multilaterali ta' l-azzjonijiet u l-miżuri Komunitarji, jintlaħqu aħjar fil-livell Komunitarju, il-Komunità tista' tadotta miżuri skond il-prinċipju ta' sussidjarjetà kif stabbilit fl-Artikolu 5 tat-Trattat. Skond il-prinċipju ta' proporzjonalità kif stabbilit f'dak l-Artikolu, din id-Deċiżjoni ma tmurx lil hinn minn dak li hu meħtieġ sabiex jinkisbu dawk l-objettivi.

(13)

Din id-Deċiżjoni tistabbilixxi, għat-tul kollu tal-programm, pakkett finanzjarju li jikkostitwixxi l-punt ta' referenza prinċipali, fis-sens tal-punt 37 tal-Ftehima Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina tal-baġit u l-amministrazzjoni finanzjarja soda (12), għall-awtorità tal-baġit matul il-proċedura annwali tal-baġit.

(14)

Il-miżuri meħtieġa għall-implementazzjoni ta' din id-Deċiżjoni għandhom jiġu adottati skond id-Deċiżjoni tal-Kunsill 1999/468/KE tat-28 ta' Ġunju 1999 li tistipula l-proċeduri għall-eżerċizju tas-setgħat ta' implementazzjoni konferiti lill-Kummissjoni (13).

(15)

Minħabba li l-Programm huwa maqsum f'ħames taqsimiet, l-Istati Membri jistgħu jipprovdu għar-rotazzjoni tar-rappreżentanti nazzjonali tagħhom skond is-suġġetti indirizzati mill-Kumitat li jassisti lill-Kummissjoni,

(a)

li jtejjeb il-konoxxenza u l-għarfien tas-sitwazzjoni li tipprevalixxi fl-Istati Membri u f'pajjiżi oħra parteċipanti permezz ta' l-analiżi, tal-valutazzjoni u tal-monitoraġġ mill-qrib tal-linji politiċi;

(b)

li jappoġġa l-iżvilupp ta' strumenti u metodi statistiċi u ta' indikaturi komuni, fejn ikun il-każ imqassam skond is-sess u l-grupp ta' età, fl-oqsma koperti mill-Programm;

(ċ)

li jappoġġa u jimmonitorja l-implementazzjoni tal-liġi Komunitarja, fejn applikabbli, u l-objettivi tal-politika fl-Istati Membri, u li jivvaluta l-effikaċja u l-impatt tagħhom;

(d)

li jippromwovi n-networking, it-tagħlim reċiproku, l-identifikazzjoni u d-disseminazzjoni ta' prattika tajba u approċċi innovattivi fil-livell Ewropew;

(e)

li jrawwem il-kuxjenza tal-partijiet interessati u tal-pubbliku ġenerali dwar il-linji politiċi u l-objettivi tal-Komunità segwiti taħt kull waħda mill-ħames taqsimiet;

(f)

li jsaħħaħ il-kapaċità tan-networks ewlenin fil-livell Ewropew sabiex jippromwovi, jappoġġa u jiżviluppa ulterjorment il-linji politiċi u l-objettivi tal-Komunità, fejn applikabbli.

1)

Impjiegi

2)

Il-protezzjoni u l-inklużjoni soċjali

3)

Kondizzjonijiet tax-xogħol

4)

Antidiskriminazzjoni u diversità

5)

Ugwaljanza bejn is-sessi.

(a)

jiġi mtejjeb l-għarfien tas-sitwazzjoni u tal-prospetti ta' l-impjiegi, b'mod partikolari permezz ta' analiżi u studji u l-iżvilupp ta' l-istatistika u indikaturi komuni fi ħdan il-qafas ta' l-EES;

(b)

isir monitoraġġ u valutazzjoni ta' l-implementazzjoni tal-Linji Gwida u r-Rakkomandazzjonijiet Ewropej dwar l-Impjiegi u ta' l-impatt tagħhom, b'mod partikolari permezz tar-Rapport Konġunt dwar l-Impjiegi, u billi tiġi analizzata l-interazzjoni bejn l-EES u l-politika ekonomika u soċjali ġenerali kif ukoll oqsma oħra ta' politika;

(ċ)

jiġu organizzati skambji dwar linji politiċi, prattika tajba u approċċi innovattivi u jiġi promoss it-tagħlim reċiproku fil-kuntest ta' l-EES;

(d)

tiġi mqajma l-kuxjenza, tiġi disseminata l-informazzjoni u jiġi promoss id-dibattitu dwar l-isfidi ta' l-impjiegi, il-linji politiċi u l-implementazzjoni ta' programmi ta' riforma nazzjonali, anke fost l-imsieħba soċjali, l-atturi reġjonali u lokali, u partijiet interessati oħrajn.

(a)

jiġi mtejjeb l-għarfien tal-kwistjonijiet dwar il-faqar u l-esklużjoni soċjali, il-linji politiċi tal-protezzjoni soċjali u ta' l-inklużjoni, b'mod partikolari permezz ta' analiżi u studji u l-iżvilupp ta' statistika u indikaturi komuni fi ħdan il-qafas ta' l-OMC fil-qasam tal-protezzjoni soċjali u ta' l-inklużjoni;

(b)

isir monitoraġġ u valutazzjoni ta' l-implementazzjoni ta' l-OMC fil-qasam tal-protezzjoni soċjali u l-inklużjoni u l-impatt tiegħu fil-livelli nazzjonali u Komunitarju kif ukoll tiġi analizzata l-interazzjoni bejn dan l-OMC u oqsma oħra ta' politika;

(ċ)

jiġu organizzati skambji dwar linji politiċi, prattika tajba u approċċi innovattivi u jiġi promoss it-tagħlim reċiproku fil-kuntest ta' l-istrateġija tal-protezzjoni soċjali u ta' l-inklużjoni;

(d)

tiġi mqajma l-kuxjenza, tiġi disseminata l-informazzjoni u jiġi promoss id-dibattitu dwar l-isfidi u l-kwistjonijiet ta' politika prinċipali mqajma fil-kuntest tal-proċess ta' koordinazzjoni tal-Komunità fil-qasam tal-protezzjoni soċjali u ta' l-inklużjoni, anke fost l-imsieħba soċjali, l-atturi reġjonali u lokali, l-NGOs u partijiet interessati oħrajn;

(e)

tiġi żviluppata l-kapaċità ta' networks ewlenin fil-livell Ewropew fl-appoġġ u fl-iżvilupp ulterjuri tal-miri ta' politika u ta' l-istrateġiji Komunitarji dwar il-protezzjoni soċjali u l-inklużjoni.

(a)

jiġi mtejjeb l-għarfien tas-sitwazzjoni fir-rigward tal-kondizzjonijiet tax-xogħol, b'mod partikolari permezz ta' analiżi u studji u, fejn ikun il-każ, bl-iżvilupp ta' statistika u indikaturi, kif ukoll bil-valutazzjoni ta' l-effikaċja u l-impatt tal-leġislazzjoni, tal-linji politiċi u tal-prattika eżistenti;

(b)

tiġi appoġġata l-implementazzjoni tal-liġi Komunitarja dwar ix-xogħol permezz ta' monitoraġġ effikaċi, ta' l-organizzazzjoni ta' seminars għal dawk li jaħdmu fil-qasam, ta' l-iżvilupp ta' gwidi u networking fost korpi speċjalizzati, inklużi l-imsieħba soċjali;

(ċ)

jingħata bidu għal azzjonijiet ta' prevenzjoni u tiġi mkattra l-kultura ta' prevenzjoni fil-qasam tas-saħħa u s-sigurtà fuq ix-xogħol;

(d)

tiġi mqajma l-kuxjenza, tiġi disseminata l-informazzjoni u jiġi promoss id-dibattitu dwar l-isfidi u l-kwistjonijiet ta' politika prinċipali fir-rigward tal-kondizzjonijiet tax-xogħol, anke fost l-imsieħba soċjali u partijiet interessati oħrajn.

(a)

jiġi mtejjeb l-għarfien tas-sitwazzjoni fir-rigward tad-diskriminazzjoni b'mod partikolari permezz ta' analiżi u studji u, fejn ikun il-każ, bl-iżvilupp ta' statistika u indikaturi kif ukoll bil-valutazzjoni ta' l-effikaċja u l-impatt tal-leġislazzjoni, tal-linji politiċi u tal-prattika eżistenti;

(b)

tiġi appoġġata l-implementazzjoni tal-leġislazzjoni Komunitarja dwar l-anti-diskriminazzjoni permezz ta' monitoraġġ effikaċi, ta' l-organizzazzjoni ta' seminars għal dawk li jaħdmu fil-qasam u networking fost il-korpi speċjalizzati li jitrattaw l-anti-diskriminazzjoni;

(ċ)

tiġi mqajma l-kuxjenza, tiġi disseminata l-informazzjoni u jiġi promoss id-dibattitu dwar l-isfidi u l-kwistjonijiet ta' politika prinċipali fir-rigward tad-diskriminazzjoni u l-integrazzjoni ta' l-anti-diskriminazzjoni fil-linji politiċi Komunitarji, anke fost l-imsieħba soċjali, l-NGOs u partijiet interessati oħrajn;

(d)

tiġi żviluppata l-kapaċità ta' networks ewlenin fil-livell Ewropew fl-appoġġ u l-iżvilupp ulterjuri tal-miri ta' politika u l-istrateġiji Komunitarji fil-qasam tal-ġlieda kontra d-diskriminazzjoni.

(a)

jiġi mtejjeb l-għarfien tas-sitwazzjoni fir-rigward ta' kwistjonijiet ta' distinzjoni bejn is-sessi u ta' l-integrazzjoni ta' l-ugwaljanza bejn is-sessi, b'mod partikolari permezz ta' analiżi u studji u bl-iżvilupp ta' statistika u, fejn xieraq, indikaturi, kif ukoll il-valutazzjoni ta' l-effikaċja u ta' l-impatt tal-leġislazzjoni, tal-linji politiċi u tal-prattika eżistenti;

(b)

tiġi appoġġata l-implementazzjoni tal-leġislazzjoni Komunitarja dwar l-ugwaljanza bejn is-sessi permezz ta' monitoraġġ effikaċi, ta' l-organizzazzjoni ta' seminars għal dawk li jaħdmu fil-qasam u networking fost il-korpi ta' ugwaljanza speċjalizzati;

(ċ)

tiġi mqajma l-kuxjenza, tiġi disseminata l-informazzjoni u jiġi promoss id-dibattitu dwar l-isfidi u l-kwistjonijiet ta' politika prinċipali fir-rigward ta' l-ugwaljanza bejn is-sessi u l-integrazzjoni tas-sessi, fost l-imsieħba soċjali, l-NGOs u partijiet interessati oħrajn;

(d)

tiġi żviluppata l-kapaċità ta' networks ewlenin fil-livell Ewropew fl-appoġġ u fl-iżvilupp ulterjuri tal-miri ta' politika u l-strateġiji Komunitarji dwar l-ugwaljanza bejn is-sessi.

(a)

Attivitajiet analitiċi:

(b)

Attivitajiet ta' tagħlim reċiproku, sensibilizzazzjoni ta' l-opinjoni pubblika u disseminazzjoni:

(ċ)

Appoġġ lill-atturi ewlenin:

(a)

Stati Membri;

(b)

servizzi pubbliċi ta' l-impjieg u l-aġenziji tagħhom;

(ċ)

awtoritajiet lokali u reġjonali;

(d)

korpi speċjalizzati previsti taħt il-leġislazzjoni Komunitarja;

(e)

l-imsieħba soċjali;

(f)

NGOs, b'mod partikolari dawk organizzati fil-livell Ewropew;

(g)

istituzzjonijiet ta' l-edukazzjoni superjuri u istituti tar-riċerka;

(h)

esperti fil-valutazzjoni;

(i)

uffiċċji nazzjonali ta' l-istatistika;

(j)

medja.

(a)

kuntratt ta' servizz wara li tkun saret sejħa għall-offerti, fejn għandhom japplikaw il-proċeduri ta' l-Eurostat fir-rigward tal-koperazzjoni ma' l-uffiċċji nazzjonali ta' l-istatistika;

(b)

sostenn parzjali wara sejħa għal proposti, f'liema każ, bħala regola ġenerali, il-ko-finanzjament Komunitarju ma jistax ikun aktar minn 80 % tan-nefqa totali li tkun saret mir-riċevitur tas-sussidju. Kwalunkwe appoġġ finanzjarju li jkun aktar minn dan il-limitu massimu jista' jingħata biss f'ċirkustanzi eċċezzjonali u wara skrutinju strett.

(a)

il-linji gwida ġenerali għall-implementazzjoni tal-Programm;

(b)

il-programm ta' ħidma annwali għall-implementazzjoni tal-Programm, maqsum f'taqsimiet differenti;

(ċ)

l-appoġġ finanzjarju maħsub li jingħata mill-Komunità;

(d)

il-baġit annwali, suġgett għall-Artikolu 17;

(e)

il-proċeduri għall-għażla ta' l-azzjonijiet maħsuba li jiġu appoġġati mill-Komunità u l-abbozz tal-lista, preżentata mill-Kummissjoni, ta' l-azzjonijiet maħsuba li jirċievu tali appoġġ;

(f)

il-kriterji għall-valutazzjoni tal-Programm inkluż dawk relatati ma' l-effikaċja rigward l-ispejjeż u l-arranġamenti għad-disseminazzjoni u t-trasferiment tar-riżultati.

—

il-pajjiżi ta' l-EFTA/ŻEE skond il-kondizzjonijiet stabbiliti fil-Ftehima taż-ŻEE;

—

il-pajjiżi li sejrin isiru Stati Membri u l-pajjiżi kandidati assoċjati ma' l-Unjoni Ewropea, kif ukoll il-pajjiżi Balkani tal-punent inklużi fil-proċess ta' stabbilizzazzjoni u assoċjazzjoni.

15.11.2006   

MT

Il-Ġurnal Uffiċjali ta’ l-Unjoni Ewropea

9

(1)

L-istandardizzazzjoni Ewropea hija attività volontarja mwettqa minn u għall-partijiet li għandhom interess fl-istabbiliment ta' standards u ta' prodotti oħra ta' l-istandardizzazzjoni li jwieġbu għall-ħtiġijiet tagħhom. Dawn il-prodotti ta' l-istandardizzazzjoni huma stabbiliti mill-Kumitat Ewropew għall-istandardizzazzjoni, il-Kumitat Ewropew għall-istandardizzazzjoni elettroteknika, u l-Istitut Ewropew għall-Istandards fit-Telekomunikazzjoni, korpi elenkati fl-Anness I tad-Direttiva 98/34/KE tal-Parlament Ewropew u tal-Kunsill tat-22 ta' Ġunju 1998 li tistabbilixxi proċedura għall-għoti ta' informazzjoni fil-qasam ta' l-istandards u r-regolamenti tekniċi u r-regoli dwar is-servizzi tas-Soċjetà ta' l-Informazzjoni (3), (minn hawn "il quddiem imsejħa ‘il-korpi Ewropej għall-istandardizzazzjoni’).

(2)

Id-Direttiva 98/34/KE tippermetti lill-Kummissjoni, wara li tikkonsulta lill-Kumitat stabbilit mid-Direttiva, tressaq talbiet għall-istandardizzazzjoni lill-korpi Ewropej għall-istandardizzazzjoni. Linji Gwida Ġenerali għall-Kooperazzjoni bejn is-CEN, is-Cenelec u l-ETSI u l-Kummissjoni Ewropea u l-Assoċjazzjoni Ewropea għall-Kummerċ Ħieles tat-28 ta' Marzu 2003 (4) jistabbilixxu r-relazzjonijiet ta' sħubija bejn il-korpi Ewropej għall-istandardizzazzjoni u l-Komunità u l-Assoċjazzjoni Ewropea għall-Kummerċ Ħieles, li wkoll tipprovdi appoġġ għall-istandardizzazzjoni Ewropea.

(3)

Huwa meħtieġ li l-Kommunità tikkontribwixxi għall-finanzjament ta' l-istandardizzazzjoni Ewropea meta jitqies l-irwol utli li din għandha fl-appoġġ tal-leġiżlazzjoni u tal-politika tagħha. Minn naħa waħda, l-istandardizzazzjoni Ewropea tikkontribwixxi għall-funzjonament u għat-tisħiħ tas-suq intern, b'mod partikolari bis-saħħa tad-direttivi magħrufa bħala ‘Approċċ Ġdid’ fl-oqsma tas-saħħa, tas-sigurtà u tal-ħarsien ta' l-ambjent u tal-konsumaturi, u sabiex tiżgura l-interoperabilità f'oqsma bħalma hu dak tat-trasport. Min-naħa l-oħra, l-istandardizzazzjoni Ewropea tgħin biex tittejjeb il-kompetittività ta' intrapriżi billi tiffaċilita b'mod partikulari l-moviment liberu ta' merkanzija u ta' servizzi, l-interoperabilità tan-networks, il-mezzi ta' komunikazzjoni, l-iżvilupp u l-innovazzjoni teknoloġika f' attivitajiet bħalma hija t-teknoloġija ta' l-informazzjoni. Għaldaqstant, huwa xieraq li jiġi inkluż f'din id-Deċiżjoni l-finanzjament ta' l-attivitajiet ta' l-istandardizzazzjoni Ewropea fil-qasam tat-teknoloġija ta' l-informazzjoni u tat-telekomunikazzjonijiet, li wkoll huma rregolati, b'mod partikolari, bid-Deċiżjoni tal-Kunsill 87/95/KEE tat-22 ta' Diċembru 1986 dwar l-istandardizzazzjoni fil-qasam tat-teknoloġija ta' l-informazzjoni u tat-telekomunikazzjonijiet (5).

(4)

Jeħtieġ li din id-Deċiżjoni tagħti bażi legali ċara, sħiħa u ddettaljata għall-finanzjament mill-Komunità ta' l-attivitajiet kollha fir-rigward ta' l-istandardizzazzjoni Ewropea meħtieġa għall-implimentazzjoni tal-politika u l-leġiżlazzjoni tagħha.

(5)

Jeħtieġ li jiġi żgurat li l-intrapriżi żgħar u ta' daqs medju (SMEs), b'mod partikulari l-intrapriżi żgħar, żgħar ħafna u ta' snajja, ikunu kapaċi japplikaw l-istandards Ewropej. Għalhekk dawn l-istandards għandhom jiġu mfassla u addattati b'mod li jieħdu kont tal-karatteristiċi u l-ambjent ta' intrapriżi bħal dawn.

(6)

Il-finanzjament Komunitarju għandu ifittex li jistabbilixxi standards jew prodotti ta' standardizzazzjoni oħra, biex jiffaċilita l-użu tagħhom minn intrapriżi permezz tat-traduzzjoni tagħhom fid-diversi lingwi uffiċjali tal-Komunità, biex isaħħaħ il-koeżjoni tas-sistema Ewropea ta' standardizzazzjoni u biex jiżgura aċċess ġust u trasparenti għall-istandards Ewropej għal parteċipanti kollha tas-suq fi ħdan l-Unjoni Ewropea kollha. Dan huwa importanti b'mod speċjali fir-rigward ta' każijiet fejn l-użu ta' l-istandards jippermetti l-konformità mal-leġiżlazzjoni Komunitarja.

(7)

L-allokazzjonijiet għall-attivitajiet ta' l-istandardizzazzjoni Ewropea għandhom ikunu stabbiliti ta' kull sena mill-awtorità tal-baġit fil-parametri ta' pakkett finanzjarju indikattiv għal perjodu tal-qafas finanzjarju relevanti u għandu jkun is-suġġett ta' deċiżjoni annwali tal-Kummissjoni li tistabbilixxi l-ammonti u, fejn ikun il-każ, ir-rati massimi ta' kofinanzjament skond it-tip ta' attività.

(8)

Fid-dawl ta' l-ambitu wiesa' ħafna ta' l-istandardizzazzjoni Ewropea fl-appoġġ tal-politika u l-leġiżlazzjoni tal-Komunità u tat-tipi differenti ta' attivitajiet fir-rigward ta' l-istandardizzazzjoni, għandhom jiġu previsti arranġamenti differenti għall-finanzjament. Dan jikkonċerna prinċipalment għotjiet ta' flus mingħajr sejħiet għal proposti lill-korpi Ewropej għall-istandardizzazzjoni, bi qbil mad-dispożizzjonijiet tat-tieni subparagrafu ta' l-Artikolu 110(1) tar-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej (6), (minn hawn il quddiem imsejjaħ ‘ir-Regolament Finanzjarju’), u l-Artikolu 168(1)(d) tar-Regolament tal-Kummissjoni (KE, Euratom) Nru 2342/2002 tat-23 ta' Diċembru 2002 li jistabbilixxi regoli dettaljati għall-implimentazzjoni tar-Regolament (KE, Euratom) Nru 1605/2002 (7).

(9)

Minbarra dan, l-istess għandu japplika fil-każ ta' dawk il-korpi li, filwaqt li mhumiex rikonoxxuti bħala korpi Ewropej għall-istandardizzazzjoni fl-Anness I tad-Direttiva 98/34/KE, ingħataw mandat f'att bażiku u ġew inkarigati biex iwettqu xogħol preliminarju b'appoġġ għall-istandardizzazzjoni Ewropea b'koperazzjoni mal- korpi Ewropej għall-istandardizzazzjoni.

(10)

L-Istati Membri huma mħeġġa li jiżguraw finanzjament nazzjonali xieraq għal xogħlijiet ta' standardizzazzjoni.

(11)

Minbarra dan, billi l-korpi Ewropej għall-istandardizzazzjoni jipprovdu appoġġ kontinwu għall-attivitajiet tal-Komunità, huma għandu jkollhom segretarjati ċentrali effettivi u effiċjenti. Għaldaqstant, il-Kummissjoni għandha tkun f'pożizzjoni li tagħmel għotjiet ta' flus lil dawk il-korpi li jkollhom għan ta' interess ġenerali Ewropew bla ma tapplika, fil-każ ta' għotjiet ta' flus għall-funzjonament, il-prinċipju tat-tnaqqis annwali msemmi fl-Artikolu 113(2) tar-Regolament Finanzjarju. Il-funzjonament effettiv tal-korpi Ewropej għall-istandardizzazzjoni jeħtieġ ukoll li l-membri nazzjonali ta' dawn il-korpi jaqdu l-obbligi tagħhom rigward kontributi finanzjarji lejn is-sistema Ewropea ta' l-istandardizzazzjoni.

(12)

Il-finanzjament ta' l-attivitajiet ta' l-istandardizzazzjoni għandu jkun ukoll kapaċi li jkopri attivitajiet ta' tħejjija jew supplementarji b'konnessjoni ma' l-istabbiliment ta' standards jew ta' prodotti oħra ta' l-istandardizzazzjoni. Dan jirreferi b'mod partikolari għax-xogħlijiet li għandhom x'jaqsmu mar-riċerka, it-tħejjija ta' dokumenti preliminari għal-leġiżlazzjoni, testijiet bejn laboratorji differenti u l-validazzjoni jew l-evalwazzjoni ta' standards. Minbarra dan, il-promozzjoni ta' l-istandardizzazzjoni fuq il-livell Ewropew u internazzjonali għandha tinkludi t-twettiq ta' programmi ta' koperazzjoni u ta' assistenza teknika ma" pajjiżi terzi. Sabiex jittejjeb l-aċċess għas-suq u tissaħħaħ il-kompetittività ta' l-intrapriżi ta' l-Unjoni Ewropea, għandu għalhekk isir provvediment għal għotjiet ta' flus lil korpi oħra permezz ta' sejħiet għal proposti jew, fejn ikun il-każ, proċeduri għall-għoti ta' kuntratti.

(13)

Ftehim ta' sħubija huma ffirmati regolarment bejn il-Kummissjoni u l-korpi Ewropej għall-istandardizzazzjoni sabiex jiġu stabbiliti r-regoli amministrattivi u finanzjarji dwar l-iffinanzjar ta' l-attivitajiet ta' l-istandardizzazzjoni skond id-dispożizzjonijiet tar-Regolament Finanzjarju. Il-Parlament Ewropew u l-Kunsill għandhom jinżammu infurmati bil-kontenut ta' dawn il-ftehim.

(14)

Meta titqies in-natura speċifika tax-xogħlijiet ta' l-istandardizzazzjoni, u b'mod partikolari ta' l-involviment fil-proċess ta' l-istandardizzazzjoni ta' numru ta' partijiet interessati, għandu jintgħaraf li l-kofinanzjament ta' l-attivitajiet ta' produzzjoni ta' l-istandards Ewropej, jew ta' prodotti oħra ta' l-istandardizzazzjoni li jirċievu għotjiet ta' flus mill-Komunità jkun jista' jsir permezz ta' kontribuzzjonijiet mhux finanzjarji, per eżempju bit-tqegħid ta' esperti għad-dispożizzjoni tal-ħidma.

(15)

Biex tiġi żgurata l-implimentazzjoni effettiva ta' din id-Deċiżjoni, għandu jkun hemm il-possibiltà li tkun użata l-kompetenza neċessarja, partikolarment fir-rigward ta' verifika u ta' amministrazzjoni finanzjarja, kif ukoll tal-mezzi ta' appoġġ amministrattiv li jistgħu jiffaċilitaw l-implimentazzjoni, u li jkun evalwat regolarment ir-relevanza ta' l-attivitajiet li jirċievu l-finanzjament mill-Komunità biex jiġu żgurati l-utilità u l-impatt tagħhom.

(16)

Jeħtieġ ukoll li jittieħdu miżuri xierqa biex jiġu evitati l-frodi u l-irregolaritajiet, kif ukoll biex jiġu rkuprati fondi li jkunu tħallsu mingħajr ma kienu dovuti bi qbil mar-Regolamenti tal-Kunsill (KE, Euratom) Nru 2988/95 tat-18 ta' Diċembru 1995 dwar il-protezzjoni ta' l-interessi finanzjarji tal-Komunitajiet Ewropej (8) u (Euratom, KE) Nru 2185/96 tal-11 ta' Novembru 1996 dwar il-kontroll u s-spezzjonijiet fuq il-post immexxija mill-Kummissjoni għall-protezzjoni ta' l-interessi finanzjarji tal-Komunitajiet Ewropej mill-frodi u minn irregolaritajiet oħra (9), u mar-Regolament (KE) Nru 1073/1999 tal-Parlament Ewropew u tal-Kunsill tal-25 ta' Mejju 1999 dwar l-investigazzjonijiet imwettqa mill-Uffiċċju Ewropew kontra l-Frodi (OLAF) (10).

(a)

il-produzzjoni u r-reviżjoni ta' standards Ewropej jew ta' kwalunkwe prodott ta' l-istandardizzazzjoni ieħor neċessarju u xieraq għall-implimentazzjoni tal-politika u tal-leġiżlazzjoni tal-Komunità;

(b)

it-twettiq ta' xogħol preliminarju jew anċillari li għandu konnessjoni ma' l-istandardizzazzjoni Ewropea bħalma huma studji, programmi, evalwazzjonijiet, analiżi komparattivi, xogħlijiet ta' riċerka, xogħol f'laboratorji, testijiet bejn laboratorji differenti u xogħol ta' evalwazzjoni tal-konformità;

(ċ)

l-attivitajiet tas-segretarjati ċentrali tal-korpi Ewropej għall-istandardizzazzjoni, bħalma huma l-iżvilupp tal-politika, il-koordinazzjoni ta' l-attivitajiet għall-istandardizzazzjoni, l-ipproċessar ta' xogħol tekniku u l-għoti ta' informazzjoni lill-partijiet interessati;

(d)

il-verifika tal-kwalità, u tal-konformità mal-politika u l-legiżlazzjoni Komunitarja korrispondenti, ta' l-istandards Ewropej jew ta' kull prodott ieħor ta' l-istandardizzazzjoni;

(e)

it-traduzzjoni, fejn ikun meħtieġ, ta' l-istandards Ewropej jew ta' kull prodott ieħor Ewropew ta' l-istandardizzazzjoni użati bħala appoġġ għall-politika u l-leġiżlazzjoni tal-Komunità f'lingwi uffiċjali tal-Komunità li mhumiex il-lingwi operattivi tal-korpi Ewropej ta' l-istandardizzazzjoni; it-tħejjija ta' dokumenti li jispjegaw, jinterpretaw u jissimplifikaw l-istandards, kif ukoll it- tħejjija ta' gwidi għall-utenti u ta' dokumenti dwar l-aħjar prattika;

(f)

attivitajiet li jfittxu li jwettqu programmi ta' assistenza teknika, koperazzjoni ma' pajjiżi terzi u l-promozzjoni u t-titjib tas-sistema Ewropea ta' l-istandardizzazzjoni u ta' l-istandards Ewropej fost il-partijiet interessati fil-Komunità, kif ukoll fuq il-livell internazzjonali.

(a)

f'forma ta' għotjiet ta' flus mingħajr sejħa għal proposti lill-korpi Ewropej għall-istandardizzazzjoni biex iwettqu l-attivitajiet imsemmija fl-Artikolu 3 u lill-korpi b'mandat f'att bażiku skond l-Artikolu 49 tar-Regolament Finanzjarju biex iwettqu, flimkien mal-korpi Ewropej għall-istandardizzazzjoni, il-ħidma stipulata fl-Artikolu 3(1)(b) ta' din id-Deċiżjoni;

(b)

f'forma ta' għotjiet ta' flus wara sejħa għal proposti, jew bi proċeduri għall-akkwist pubbliku, lill-korpi oħra biex iwettqu, flimkien mal-korpi Ewropej għall-istandardizzazzjoni, il-ħidma ta' standardizzazzjoni msemmija fl-Artikolu 3(1)(b) jew il-programmi stipulati fl-Artikolu 3(1)(f).