Mohammad Najibullah
Mohammad Najibullah Ahmadzai (paxtuneraz: محمد نجیبالله احمدزی; Mehlan, Paktia probintzia, Afganistan, 1947ko abuztuaren 6a - Kabul, Afganistan, 1996ko irailaren 27a), afganiar politikaria izan zen. Afganistango Errepublika Demokratikoko azken presidentea izan zen, 1987ko irailetik eta 1992ko apirilera arte. Negoziazioak abiarazi zituen Afganistango gerrari amaiera emateko, baino mujahidinek uko egin zioten bere eskaintzari. 1989an Sobietar Batasuneko tropak Afganistandik atera ziren, baino gobernuaren armadak 1992 arte aurre egin zion erresistentziari. Urte horretako apirilaren 16an mujahidinak Kabulen sartu ziren eta Najibullah Nazio Batuen Erakundearen egoitzan babestu zen. 1996ko irailaren 26an, Kabul hartu ondoren, talibanek NBEren egoitzan sartu eta Najibullah eta bere anaia bahitu zituzten. Biak basatiki torturatu ondoren, biharamunean hil zituzten.
Kanpo estekak
[aldatu | aldatu iturburu kodea]- (Ingelesez) Biografia afghanland.com-en
![]() |
Artikulu hau Afganistango biografia baten zirriborroa da. Wikipedia lagun dezakezu edukia osatuz. |